ՄԵՐ ՄԱՍԻՆ
ԱԺՄ քաղաքական սկզբունքներն ու գործունեությունը
1996թ. Պատմության չփակված էջ
ՎԱԶԳԵՆ ՄԱՆՈՒԿՅԱՆԻ ԿԵՆՍԱԳՐՈՒԹՅՈՒՆԸ
ԱՆՑԱԾ ՃԱՆԱՊԱՐՀ
ԳՐԱԴԱՐԱՆ
ՀԱՐՑԱԶՐՈՒՅՑՆԵՐ
ՆՈՐՈՒԹՅՈՒՆՆԵՐ
ԳՐԱՆՑՎԵԼ ԿԱՅՔԻ ՆՈՐՈՒԹՅՈՒՆՆԵՐԻՆ
ԿԱՅՔԻ ՔԱՐՏԵԶ
ԿԱՊԸ ՄԵԶ ՀԵՏ
ԸՆՏՐՈՒԹՅՈՒՆՆԵՐ 2008
   1996թ. Պատմության չփակված էջ

Վանո Սիրադեղյանը բացում է փակագծերը

VIDEO

 
«ԸՆՏՐՈՒԹՅՈՒՆՆԵՐԻ ԿԵՂԾՄԱՄԲ ԻՇԽԱՆՈՒԹՅՈՒՆ ԶԱՎԹԵԼԸ ՊԵՏԱԿԱՆ ՀԵՂԱՇՐՋՈՒՄ Է»

1996թ. սեպտեմբերի 23-ի հանրահավաքում (որին մասնակցում էր մոտ 100 հազար մարդ) ընթերցվեց Ազգային համաձայնության միասնական թեկնածու Վազգեն Մանուկյանի հետեւյալ հայտարարությունը.
 
 
 
     Սիրելի ժողովուրդ,
     Սեպտեմբերի 22-ի նախագահական ընտրությունների արդյունքների ամփոփման ընթացքը ցույց է տալիս, որ ՀՀ իշխանությունները բռնել են ընտրությունների արդյունքների կեղծման ուղին: Սա պարզ անարդարություն չէ, սա շարքային կեղծիք չէ: Նույնիսկ արդեն իսկ գրանցված համատարած ու աննախադեպ կեղծիքներով նախագահը չունի ձայների մեծամասնությունը:
     Մենք խորապես գիտակցում ենք, որ ներկա նախագահական ընտրություններն այն փորձաքարն է, որով թե ինքներս մեզ, եւ թե ողջ աշխարհին ցուցադրելու ենք ժողովրդավարական արժեքներ դավանելու մեր կարողությունը: Այս ընտրությունները աննախադեպ կարեւորություն ունեն: Այսօր մեզանից է կախված մեր պետության, ժողովրդի եւ մեր զավակների ապագան:
     Եթե մինչ այժմ Հայաստանը թաղված էր տնտեսական ու սոցիալական ճգնաժամի ճիրաններում, ապա այսօր նախագահը իր քրեամերձ շրջապատով, փորձ է անում մեզ տանել փակուղի եւ հոգեբանական բարոյազրկման հուն:
     Սթափ գնահատելով իրավիճակը եւ հենվելով ընտրություններում իմ օգտին տրված գերակշիռ ձայների վրա`
ես հայտարարում եմ.
            ավելին >>  
ՎԱԶԳԵՆ ՄԱՆՈՒԿՅԱՆԻ ԵԼՈՒՅԹԸ «ԱԶԱՏՈՒԹՅԱՆ» ՀՐԱՊԱՐԱԿՈՒՄ` ՍԵՊՏԵՄԲԵՐԻ 25-Ի ԳԻՇԵՐԸ, ԴԵՊՔԵՐԻՑ ՀԵՏՈ

     Ժողովուրդը ցույց տվեց իր ցասումը եւ չվախեցավ: Կրակում էին, իսկ կանայք ու տղամարդիկ երգում էին:
     Ես կներկայացնեմ, թե ինչ տեղի ունեցավ այն պահից սկսած, երբ ես, Լենսեր Աղալովյանը, Ռուբեն Հակոբյանը, Սեյրան Ավագյանը մտանք Ազգային ժողովի շենք եվ սկսվեցին բանակցություններ ներսում գտնվող ԿԸՀ-ի հանձնաժողովի անդամների, մասնավորաբար Խաչատուր Բեզիրջյանի հետ: Մենք առաջարկեցինք հետեւյալը. քանի որ ժողովրդի մոտ խիստ կասկածներ կան, որ արդար ընտրություններ տեղի չեն ունեցել, պահանջում ենք` յուրաքանչյուր մարզից երեքական քվեատուփ համատեղ ստուգել: Մենք ուզում ենք, որ մեր պահանջը կատարվի: Ասացի, որ դրսում կան մարդիկ ոչ միայն Վազգեն Մանուկյանի օգտին քվեարկած, այնտեղ հավաքված են նաեվ Լեւոն Տեր-Պետրոսյանի օգտին քվեարկած մարդիկ: Մեր ներկայացուցիչները պահանջում էին, որ երեք քվեատուփ բացվի:
     Խորհրդակցությունից հետո Խաչատուր Բեզիրջյանը համաձայնեց քվեատուփեր բացել, բայց ոչ թե թեկնածուի վստահված անձի պահանջով, այլ` նախագահության երկու թեկնածուների վստահված անձերի, կամ հնձնաժողովի չորս անդամների պահանջով: Մեզ համար դա նույնպես ընդունելի տարբերակ էր, եւ գոհացուցիչ լուժում կլիներ: Սակայն հետո Խաչատուր Բեզիրջյանը հայտնեց, որ ինքը մենակ, առանց հանձնաժողովի չի կարող ընդունել այդպիսի որոշում:
     Հենց այդ պահին զանգեց Բաբկեն Արարքցյանը եւ Բեզիրջյանին ասաց, որ ինքը դեմ է այդ որոշմանը:
            ավելին >>  
ՀՀ ՆԱԽԱԳԱՀՈՒԹՅԱՆ ԹԵԿՆԱԾՈՒ ՎԱԶԳԵՆ ՄԱՆՈՒԿՅԱՆԻ ՀԱՅՏԱՐԱՐՈՒԹՅՈՒՆԸ

27-ը սեպտեմբեր, 1996թ.

     Սիրելի հայրենակիցներ,
     Հայաստանում հաստատվում է ոչ օրինական իշխանություն, ընտրություններով ակնհայտորեն չանցած, չընտրված նախագահ` հենված բիրտ ուժի վրա: Սա կատարվում է բացահայտ` ողջ համաշխարհային հասարակության առջեւ: Եվ եթե այնուամենայնիվ որոշ պետությունների ղեկավարներ շնորհավորում են Լեւոն Տեր-Պետրոսյանին, դա դեռ չի նշանակում, թե ընդում են ոչ օրինական ճանապարհով ընտրված իշխանությանը: Շնորհավորում են ոչ թե այն պատճառով, որ չգիտեն, թե ինչ է կատարվել Հայաստանում, այլ որովհետեւ այսօր չշնորհավորելը քաղաքական հետեւանքներ կբերի, որոնցում այդ պետությունները շահագրգռված չեն:
     Այս ամենը, իշխանավորների հոգեկան հիվանդության հասնող ձգտումը` ցանկացած գնով մնալ իշխանության ղեկին, մեր ժողովրդին եւ մեր պետությունը դնում է շատ ծանր վիճակի մեջ` հղի վտանգավոր հետեւանքներով: Ինչպես երկրի ներսում, այնպես էլ` միջազգային ասպարեզում: Մենք կորցնում ենք ոչ միայն համաշխարհային հասարակության հարգանքը` դժվարին կացության մեջ դնելով պետության արտաքին հարաբերությունները, այլեւ կորցնում ենք զարգացման կարեւորագույն գործոնները. ազատություն, օրինականություն, ժողովրդավարություն:
     Գլուխ է բարձրացնում տականքը: Այս ամենը հանգեցնում է մեր տնտեսական ու պաշտպանողական ուժի ակնհայտ թուլացմանը, եւ մեր զարգացումով մենք ետ ենք ընկնելու տարածաշրջանի պետություններից:
     Այժմ կատարվում է անհեթեթ ջանք` սեպտեմբերի 25-ի դեպքերը ներկայցնել իբրեւ պետական հեղաշրջման փորձ:

            ավելին >>  
ՎԱԶԳԵՆ ՄԱՆՈՒԿՅԱՆԻ ԱՍՈՒԼԻՍԸ

2 հոկտեմբերի, 1996թ

     Հոկտեմբերի 2-ին Վազգեն Մանուկյանի մամլո ասուլիսը տարօրինակ էր այնքանով, որ տեղի ունեցավ նրա տանը` Գրողների միության հարեւանությամբ գտնվող Մանուկյանների բնակարանում:
     Սկսելով ասուլիսը` Վազգեն Մանուկյանն անդրադարձավ սեպտեմբերի 25-ին տեղի ունեցած դեպքերին` դրանք դիտարկելով ոչ իբրեւ դրվագներ, այլ` առարկայացած երեւույթ, որի դրսեւորմամբ ժողովուրդը հավաքականորեն իր վերաբերմունքն արտահայտեց ոչ օրինական իշխանությունների նկատմամբ: Ժողովրդի կարծիքի հետ, ըստ էության, համերաշխում է նաեւ միջազգային հանրությունը, եւ «Մոլորակ» թերթում հրապարակված ԵԱՀԿ դիտորդների մշակած փաստաթուղթը դրա վկայաությունն է: Այն դիվանագիտական բավականին խիստ լեզվով է ձեւակերպված:
     Վազգեն Մանուկյանը, անդրադառնալով ընտրությունների հրապարակված արդյունքներին, կարեւորեց, մի խիստ էական գործոն. ամենեւին էլ առաջնայինն այն հարցը չէ, թե ով է մի քանի քվե ավելի կամ պակաս ստացել: Ըստ իրենց մոտ եղած արձանագրությունների տվյալների, որոնք հանրապետության ընտրատարածքների մեծ մասից ԱԺՄ են հասցվել, Վազգեն Մանուկյանը ստացել է քվեների 60-65 տոկոսը, իսկ Լեւոն Տեր-Պետրոսյանի ցուցանիշը 35 տոկոսի չի հասել: Իսկ երբ այս տվյալներին ավելացնում են պաշտոնական ցուցանիշներն այն տարածքների, որոնցից ԱԺՄ-ն տեղեկություններ չի ստացել, թվերը միարժեքորեն հանգեցնում են երկրորդ փուլի:

            ավելին >>  
ԱԶԳԱՅԻՆ ԱՆՎՏԱՆԳՈՒԹՅԱՆ ԽՈՐՀՐԴԻ ԱՆԴԱՄՆԵՐԻ ՍԵՊՏԵՄԲԵՐԻ 26-Ի ԿԵՍԳԻՇԵՐԱՅԻՆ ՀԵՌՈՒՍՏԱԵԼՈՒՅԹՆԵՐԻ ՍՂԱԳՐՈՒԹՅՈՒՆԸ

ՎԱԶԳԵՆ ՍԱՐԳՍՅԱՆ. – ՀՀ նախագահի նստավայրում հավաքվել են բոլոր ուժային նախարարությունների եւ հանրապետության ղեկավարները` իրենց կոլեգիայի անդամների հետ: Հավաքվել են, որպեսզի իրենց կարծիքն արտահայտեն, իրենց տեսակետը` կատարվող դեպքերի մասին:
     Այն, ինչ այսօր կատարվեց Երեւան քաղաքում, կոնկրետ` քաղաքի կենտրոնում, դա մեր թշնամու ամենամեծ երազանքն էր, որը կարողացավ իրականացնել արկածախնդիրների ձեռքով: Եթե մենք իրադարձությունները թույլ տանք, որպեսզի ընթանան նույն հունով, ապա Հայաստանը առնվազն վեց տարի ետ կնետվի 1991-92 թվականները: Երբ չկար իշխանություն, երբ կային տասնյակ կուսակցություններ եւ ռազմական ջոկատներ, երբ բզկտում էին իրար, եւ գերմարդկային ջանքերի շնորհիվ հնարավոր եղավ հանրապետությունը դարձնել հանրապետություն, բանակը դարձնել բանակ, իշխանությունը դարձնել իշխանություն:

            ավելին >>  
ՀՅ ԴԱՇՆԱԿՑՈՒԹՅԱՆ ԲՅՈՒՐՈՅԻ ՀԱՅՏԱՐԱՐՈՒԹՅՈՒՆԸ

     Հայաստանի Հանրապետության նախագահական ընտրություններու առթիվ իշխանություններու ցուցաբերած քաղաքական վարքագիծը ոտնակոխ կընե մեր երկրի արդեն իսկ դյուրաբեկ ժողովրդավարական գործընթացըը եւ ծանր հարված կուտա հայաստանի միջազգաին բարոյական վարկին: Սահմանադրական վարչաձեւի քողին տակ` քայլ առ քայլ կիրագործվի մեր ժողովուրդի շարունակական իրավազրկումը իր իսկ իշխանություններուն ձեռքով:
     Սեպտեմբեր 22-են ի վեր դեպքերու արագ ընթացքը` նախագահական ընտրություններու նախօրեին իշխանության վերին օղակներուն մեջ ակնհայտ դարձած խուճապը, ընտրություններու արդյունքը կեղծելու գծով անոնց կողմե ձեռք առնված միջոցները եւ այդ արդյունքներու ստուգման համար ժողովրդային արդար պահանջքին հանդեպ ցուցաբերված մերժողական կեցվածքը, այս բոլորը կասկծ չեն թողուր, որ մեր հայրենիքի մեջ ժողովրդավարությունը լուծարքի կենթարկվի:
Արդարեւ, այսօր մեր հանրապետւթյան մեջ չեն գործեր ժողովրդավարութեան տարրական սկզբունքները, կխախտվին մարդկային իրավունքները եւ կգործադրվին բռնություններ: Երկրի ներքին կյանքին կմիջամտե պետությունը իր ուժային միջոցներով` փորձելով խափանել ժաղովուրդի կամքի արտահայտությունը: 

            ավելին >>  
ՀՅԴ ՀԱՅԱՍՏԱՆԻ ԳԵՐԱԳՈՒՅՆ ՄԱՐՄՆԻ ԿՈՉԸ ՀԱՅ ԺՈՂՈՎՐԴԻՆ

     Սիրելի հայրենակիցներ, այսօր, երբ տեղի է ունեցել ամենաանցանկալին, մենք գիտենք որ մեր ազգային վիճակի համար տագնապը հավասար չափով համակել է աշխարհասփյուռ ողջ հայությանը:
     Հայ Յեղափոխական Դաշնակցության Հայաստանի գերագոյն մարմինը, մերժելով ներազգային պառակտման ու արյունահեղության բոլոր փորձերը` ում կողմից էլ դրանք կձեռնարկվեն, նկատի ունենալով, որ ազգի ամեն մի պառակտելի հատվածի ազատ կամքի անտեսումը ու մի քանի ընդդիմադիր անձանց անվան տակ, փաստորեն, ժողովրդի այդ ոչ ձեռնտու կեսի դեմ հանդես գալը լրջորեն սասանում է հայության միասնականությունը, հաշվի առնելով, որ օրինականության ու ժողովրդավարության անտեսումը կարող է լրջորեն վտանգել մեր նորաստեղծ պետականության ապագան` դիմում է համայն հայությանը.

            ավելին >>  
ՀՅԴ ՀԱՅԱՍՏԱՆԻ ԳԵՐԱԳՈՒՅՆ ՄԱՐՄՆԻ ՀԱՅՏԱՐԱՐՈՒԹՅՈՒՆԻՑ

     Հայրենակիցներ,
     Արցախյան վերազարթոնքի ալիքը մեր առջեւ բացեց ազգային ինքնության եւ անկախ պետական կյանքի հորիզոններ: Համայն հայությունը հուսավառվեց փայփայած այն երազով, որ եկել է ազգային արժեքների, նպատակների` Հայ Դատի շուրջ ողջ ժողովրդի համախմբման եւ միասնաբար առաջընթացի ուղին հարթելու ժամանակը: Եկել է ժամանակը, երբ մե՛կ հոգի, մե՛կ միտք եւ մեկ ընտանիք կդառնան ոչ միայն հայաստանաբնակ մտաորականը, աշխատավորն ու պետական այրը, այլեւ նույն տանիքի տակ կմտնի արցախցին, հայրենիք-արտերկիր մազե կամուրջը կվերածվի լայնահուն պողոտայի:
     Հետագա տարիները, սակայն, մեծ քայքայումներ բերեցին մեր կյանքի բոլոր բնագավառներին, հոգեկան անկումն ու հուսալքությունը հայրենիքից վանեցին մեկ միլիոնի չափ հայերի, որոնք դեռ երեկ ապրում ու պայքարում էին հանուն այդ նույն հայրենիքի վաղվա օրվա: Երբ սահմանադրությամբ մերժվեց երկքաղաքացիությունը, Հայաստանից իրեն օտարված զգաց նաեւ հայրենիքից դուրս ապրող հայը:

            ավելին >>  
ԲՈԼՈՐ ՔԱՂԱՔԱԿԻՐԹ ԵՐԿՐՆԵՐԻ ԿԱՌԱՎԱՐՈՒԹՅՈՒՆՆԵՐԻՆ, ՄԻՋԱԶԳԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻՆ, ՄԻՋԱԶԳԱՅԻՆ ԴԱՏԱՐԱՆԻՆ

ԴԻՄՈՒՄ
 
ԳԻՏԱԱՐԴՅՈՒՆԱԲԵՐԱԿԱՆ, ՔԱՂԱՔԱԿԱՆ ՄԻՈՒԹՅԱՆ ՀԱՄԱՆԱԽԱԳԱՀ,
ՀՀ ԳԱԱ ԱԿԱԴԵՄԻԿՈՍ

ՌԱՖԱՅԵԼ ՂԱԶԱՐՅԱՆԻՑ

     Այն, ինչ կատարվում է հանրապետությունում սեպտեմբերի 23 –ից հետո, ոչ այլ ինչ է, եթե ոչ պետական հեղաշրջում` ընդդեմ օրինաբար ընտրված նախագահ Վազգեն Մանուկյանի: ԵՎ դա իշխող հանցախմբի կողմից իրագործվում է խունտա-ֆաշիստական եղանակներով` կամակատարների եւ քրեական տարրերի ներգրավմամբ:
     Իրոք, ինչպես Վ. Մանուկյանի ընտրական շտաբը, այնպես էլ իշխանությունները իրենց տրամադրության տակ ունեն բավականաչափ տեղեկություն (առաջինը քվեարկության իրական պատկերի, երկրորդը` իրականացված կեղծիքների չափի վերաբերյալ), որպեսզի ճանաչեն Վազգեն Մանուկյանի հաղթանակը:
     Սեպտեմբերի 23-ից հետո ստեղծված եւ հետզհետե սաստկացող լարվածությունը սադրել են իշխանությունները` համառորեն մերժելով մի քանի պատահաբար ընտրված քվեատուփերում Կենտրոնական ընտրական հանձնաժողովի հետ համատեղ ստուգումների անցկացման բնկան պահանջը: Դա է՛լ ավելի համոզեց ժողովրդին, որ այնտեղ ամեն ինչ չէ, որ մաքուր է: Չինովնիկական եւ ուժային կառուցներում արմատավորված կամայականությունների եւ համատարած կաշառակերության պատճառով կուտակված դժգոհությունը արտահայտվեց բուռն կերպով: Պակաս գրգռիչ չէր նաեւ այն հանգամանքը, որ ինչպես միջազգային հասարակության, այնպես էլ նախագահին հնազանդ տեղական իրավական կառույցների կողմից այդպես էլ վճռականապես չդատապարտվեց ժողովրդի իրավունքներին եւ արժանապատվությանը հասցրած այն անարգանքը, որը նախորդ տարի իշխանությունների կողմից կազմակերպվել էր Ազգային ժողովի կեղտոտ ընտրարշավի եւ Սահմանադրության հանրաքվեի ժամանակ: Հայտնի չէ, թե ինչն էր գերակշռում այն օրերին, սպառնալիքնե՞րը, շանտա՞ժը, կաշա՞ռքը, թե՞ ուղղակի մեքենայությունները:
    
            ավելին >>  
ՀԱՅԱՍՏԱՆԻ ԴԵՄՈԿՐԱՏԱԿԱՆ ԿՈՒՍԱԿՑՈՒԹՅԱՆ ՀԱՅՏԱՐԱՐՈՒԹՅՈՒՆԸ

     Վերլուծելով նախագահական ընտրությունների ընթացքում երկրում ստեղծված կացությունը, սեպտեմբերի 25-ի դրամատիկական դեպքերը գնահատելով որպես կոպիտ սադրանք, եւ խոր մտահոգություն արտահայտելով դրան հաջորդած իրադարձությունների առթիվ` Հայաստանի Դեմոկրատական կուսակցությունը, հավատարիմ ժողովրդավարության, ազատության, խստորեն դատապարտում է բռնության ցանկացած գործադրում եւ գտնում է, որ դրա մեղավորները պետք է բացահայտվեն եւ պատժվեն օրենքի ողջ խստությամբ: ՀԴԿ-ն մաժամանակ փաստում է, որ տեղի ունեցածը, առաջին հերթին, հետեւանք է ընդդիմության հետ քաղաքակիրթ երկխոսությունից իշխանությունների հրաժարման եւ նախագահական ընտրությունների արդյունքների հրապարակայնության բացակայության: ՀԴԿ-ն տագնապած է վերջին դեպքերից հետո երկրում վախի, անվստահության եւ կասկածամտության մթնոլորտի ստեղծումից: Վտանգված են ժողովրդավարությունը, քաղաքացիական հասարակության ձեվավորումը: Փոխվրեժի, ատելության, թշնամանքի զգացումների խորացումը, դրա կոպիտ դրսեւորումը նույնիսկ Ազգային ժողովում սպառնում է իշխանություններից ժողովրդի խորթացմամբ, հակադրության սրմամբ, ինչը հղի է նոր առճակատումների վտանգով:
     Երկրի ներքաղաքական կյանքում անցանկալի զարգացումներից խուսափել կարելի է միայն այն դեպքում, եթե ժողովուրդն անվերապահորեն համոզվի հանրապետությաննախագահի լիազորությունների օրինավորության եւ անկասկածելիության մեջ: Ուժային մեթոդներով իշխանությունը պահելու, ընդդիմությանը լռեցնելու, ինչպես նաեւ հասարակությանը սեփական կարծիքը պարտադրելու կեցվածքը անհեռանկար է եւ դատապարտված: ՀԴԿ-ն իշխանություններին, ընդդիմությանը եւ ողջ ժողովրդին դիմում է զսպվածության, իրավական նորմերի հարգման եւ ողջախոհության կոչով: Մենք համոզված ենք, հասարակական կյանքում ծագած ամեն մի հակասություն ու տարաձայնություն հնարավոր է ու պետք է լուծվի միմիայն օրենքի ու օրինականության սահմաններում: Հայաստանը չպետք է դառնա ներքին հակասություններից եւ հասարակական-քաղաքական ուժերի ու պետական իշխանության միջեւ առաջացած անվստահությունից ինքնաբզկտվող երկիր:
          
ՊԱՐՈՒՅՐ ՀԱՅՐԻԿՅԱՆԻ ՀԱՅՏԱՐԱՐՈՒԹՅՈՒՆԸ

     Այսօր անվիճելի է, որ ցանկացած պետությունում իշխանությունը պատկանում է ժողովրդին, նույնիսկ բռնապետները հայտարարում են, որ իրենք ժողովրդի շահերի արտահայտիչն ու պաշտպանն են:
     Ժողովրդավարության պայմաններում ժողովուրդը երկիրը կառավարելու իր իրավունքը իրականացնում է ընտրությունների միջոցով: Այդ ճանապարհով են ձեւավորվում իշխանությունները: Ընտրությունների ընթացքում առանձին օրինախախտումները պարզ քրեական հանցագործություններ են, սակայն, եթե դրանք կրում են զանգվածային բնույթ եւ կազմակերպված են, ապա հանգեցնում են օրինական իշխանությունների օրինական փոփոխմանը դեռեւս նրանց ձեւավորման փուլում:
     Քաղաքականությունը գտել է ժողովրդի գերիշխանությունը կայունաբար ամրագրելու լավագույն ճանապարհը` ժողովրդավարությունը: Ժողովրդավարական պետություններում իշխանությունները ձեւավորվում են եւ փոփոխվում ժողովրդի քվեների` ընտրությունների միջոցով: Իշխանությունների ձեւավարման ու փոփոխման որեւէ այլ ճանապարհ իշխանությունների բռնի եւ ապօրինի փոփոխությունն է, որը համարվում է պետական հեղաշրջում: Եվ ամենեւին էլ կարեւոր չէ, թե իշխանությունների ձեւավորման կամ փոփոխության ո՛ր փուլում է տեղի ունեցել իշխանության բռնազավթումը: Իսկ նենգության առումով, նախնական ձեւավորման փուլում, այսինքն` ընտրության միջոցով ժողովրդավարության պատրանքը պահպանելով` իշխանության բռնազավթումը առավել անբարո է:
            ավելին >>  
ՏԽՈՒՐ ՄՏՔԵՐ ԳՈՒՅՆԵՐԻ ԵՎ ՏԵՍԱԿԻ ՄԱՍԻՆ

«Մեր հայրենիք թշվառ, անտեր…»
Համապատասխանությունը կատարյալ է:
Եվ այժմ ոչ մի երկիր չունի իրեն այդքան նկարագրող օրհներգ…
 
 
     Երբ 1990թ. ՀՀ պետական հիմնն էր հաստատվում ԳԽ-ում, տեքստի առաջին տողը փոխելու առաջարկներ եղան, գտնում էինք, որ Հայրենիքը այլեւս երբեք «թշվառ, անտեր» չպիտի լինի: Իրականության հետ համապատասխանությունը մենք տեսնում էինք միայն տողի փոփոխման մեջ եւ, դժբախտաբար, ինչպես շատ ուրիշ հարցերում, խնդրի երկիմաստության մեջ ամփոփված մարգարեական նախազգուշացումը ընկալելու խորաթափանցությունը չունեցանք: Մեր մտքով չեր անցնում, որ տողի փոխարեն կարող էր փոխվել երկիրը: 1997 թվականն էր արդեն, եվ առանց դույզն-իսկ մեղանչելու իրականության հանդեպ, կարող ենք ասել. «Մեր հայրենիք թշվառ, անտեր» Եվ այժմ ոչ մի երկիր չունի իրեն այդքան նկարագրող օրհներգ…
     Մեր նախնիները մեր սրբազան հողի վրա, հազարավոր տարիների ընթացքում քայլ առ քայլ, երանգ առ երանգ կերտել են մի հիասքանչ շարունակական նկար` Հայոց երկիր անունով, իր պատմությամբ, իր հաղթանակներով ու պարտություններով, մարդկանց իր տեսակով, իր ճակատագրով, իր առաքելությամբ, բոլոր գույներով` սեւից մինչեւ սպիտակ: Եւ այժմ մեր պարտքն է ճիշտ հասկանալ մեր նախնիներին եւ, չաղճատելով մեզ փոխանցված պատկերը, ավելացնել մեր գույները` նկարի գաղափարին ներդաշնակ: Ու փոխանցել հաջորդներին:
    
            ավելին >>  
ԱԶԳԱՅԻՆ ԱՌԱՋԱԴԻՄՈՒԹՅՈՒՆ ԿՈՒՍԱԿՑՈՒԹՅԱՆ ՀԱՅՏԱՐԱՐՈՒԹՅՈՒՆԸ

     Սույն թվականի սեպտեմբերի 22-ին տեղի ունեցան ՀՀ նախագահական ըհտրությունները: Չնայած ընտրական մեխանիզմի անկատարությանը, ընտրական հանձնաժողովների եւ պետական լրատվական միջոցների իշխանամետ գործունեությանը, իսկ քվեարկության օրը` բազմաթիվ անօրինականություններին, ժողովուրդն իր քվեարկությամբ հստակ բացասական գնահատական տվեց այսօրվա գործող նախագահին: Դրա վկայություններն են ընտրությունների արդյունքները Երեւան քաղաքում եւ այն մարզերում, որտեղ հնարավորություն եղավ որոշակի հսկողություն սահմանել քվեարկությունների ընթացքի վրա: Տեսնելով գործող նախագահի ակնհայտ պարտության վտանգը, իշխանությունները` հատկապես ուժային նախարարությունները, իրենց կամակատար ընտրական հանձնաժողովների միջոցով գնացին ընտրությունների օրենքի նոր խախտումների` սահմանափակելով ձայների հաշվման հրապարակայնությունը եւ տեղամասային հանձնաժողովների արձանագրությունների պատճենները Վ.Մանուկյանի վստահված անձանց չտալով: Ավելին` նրանցից շատերին թույլ չտվեցին մասնակցել ձայների հաշվմանը: Հաջորդ օրը` սեպտեմբերի 23-ին, ՀՀ նախագահը պետական հեռուստատեսությամբ աճապարեց իրեն հռչակել վերընտրված նախագահ, երբ միաժամանակ ԿԸՀ-ն հայտարարում էր, որ այդպիսի տվյալ չունի:
            ավելին >>  
ՄԱԿ-Ի ԳԼԽԱՎՈՐ ՔԱՐՏՈՒՂԱՐԻՆ
ԱՇԽԱՐՀԻ ԵՐԿՐՆԵՐԻ ԿԱՌԱՎԱՐՈՒԹՅՈՒՆՆԵՐԻՆ
ՄԻՋԱԶԳԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ՂԵԿԱՎԱՐՆԵՐԻՆ
ՄԻՋԱԶԳԱՅԻՆ ՀԱՆՐՈՒԹՅԱՆԸ


ԲԱՑ ՆԱՄԱԿ
 
     Մենք, ընդդիմության` ձերբակալված եւ հետապնդվող գործիչների կանայք եւ մայրերս, խորապես վրդովված ենք ՀՀ անօրինական իշխանությունների գործողություններից, որոնք զանգվածային ձերբակալություններով եւ քաղաքացիների նկատմամբ կիրառվող բռնարարքներով, սեպտեմբերի 25-ին կազմակերպված սադրանքով ցանկանում են վերջնականապես թաքցնել նախագահական ընտրությունների իրական արդյունքները եւ ոչնչացնել ընդդիմությանը` որպես այդպիսին:
     Խնդրում ենք ձեր միջամտությունը` հետեւյալ պահանջները բավարարելու հարցում.
     -          անհապաղ դադարեցնել հետապնդումները եւ ազատ արձակել ընդդիմության բոլոր գործիչներին (ոչ ամբողջական նախնական ցուցակը ներկայացվում է),
     -          սեպտեմբերի 25-ի իրադարձությունների եւ ՀՀ իշխանությունների` դրանց հետեւած հակաօրինական գործողությունների հետաքննում,
     -          ՀՀ նախագահի բոլոր թեկնածուների ներկայացուցիչների մասնակցությամբ միջազգային անկախ փորձաքննություն 1996 թվականի ՀՀ նախագահական ընտրությունների առնչությամբ,
     -          Երեւանից զորքերի դուրս բերում եւ բոլոր քաղաքացիական ազատությունների վերականգնում:
 
 Մանուկյան Վարդուհի, Սադոյան Լարիսա, Ղազարյան Գրիզելդա,
Վարդանյան Լիա, Պողոսյան Հայկանուշ, Վարդանյան Գոհար,
Վարդանյան Կիմա, Վարդանյան Քնարիկ, Հարությունյան Աիդա,
Խանզադյան Անաիդա, Ավագյան Օֆելյա, Մանուկյան Ժաննա
          

Home page Web mail Map
EnglishRussian


1996


www.ajk.am

  www.armenia.li
www.armenia.li
519479
508253