ՄԵՐ ՄԱՍԻՆ
ՎԱԶԳԵՆ ՄԱՆՈՒԿՅԱՆԻ ԿԵՆՍԱԳՐՈՒԹՅՈՒՆԸ
ԱՆՑԱԾ ՃԱՆԱՊԱՐՀ
ԳՐԱԴԱՐԱՆ
ՀԱՐՑԱԶՐՈՒՅՑՆԵՐ
ՆՈՐՈՒԹՅՈՒՆՆԵՐ
ԳՐԱՆՑՎԵԼ ԿԱՅՔԻ ՆՈՐՈՒԹՅՈՒՆՆԵՐԻՆ
ԿԱՅՔԻ ՔԱՐՏԵԶ
ԿԱՊԸ ՄԵԶ ՀԵՏ
ԸՆՏՐՈՒԹՅՈՒՆՆԵՐ 2008
   ՆՈՐՈՒԹՅՈՒՆՆԵՐ

[Շարժում 1988/25]. Վազգեն Մանուկյան` իմ ընտրած ուղին իդեալիզմի գերագույն աստիճանն էր

Ակունքները Ղարաբաղի հարցը միշտ էլ անհանգստացրել է ժողովրդին: Խրուշչովյան ժամանակաշրջանում, երբ մի փոքր ազատության շունչ զգացվեց, Պարույր Սեւակը, Սարգիս Մուրադյանը ստորագրություններ հավաքեցին եւ նամակ ուղարկեցին Մոսկվա: Ես մասնակցել եմ այդ ստորագրահավաքին, մոտ 30-40 հազար ստորագրություն էր հավաքվել: Այդ խնդրի մեջ խտացված էր ողջ հայ ժողովրդի հարցը, քանի որ մենք Ցեղասպանություն էինք տեսել եւ կորցրել էին մեր պատմական հողերը: 1960-ականներից հայ ժողովրդի մոտ ինքնավստահության ներուժ կուտակվեց: 1915 թվականի, Առաջին եւ Երկրորդ համաշխարհային պատերազմների կորուստներից հետո մտավորականությունն աճեց, բոլորս ոգեւորվում էինք Տիգրան Պետրոսյանի հաղթանակներով, քաղաքն ընդարձակվում էր եւ բարգավաճում, Սփյուռքը նույնպես աշխուժանում էր: Ժողովուրդը սկսեց գիտակցել իր ներուժը եւ հպարտանալ իր պատմական անցյալով: Ընդամենը մի կայծ էր պետք, որ շարժում սկսվեր: Այդպիսին հանդիսացավ Գորբաչովի նոր քաղաքականությունը: Հիշում եմ, 1960-ականների վերջերին եւ 1970-ականների սկզբներին, երբ քննարկումներ էինք ունենում Սիլվա Կապուտիկյանի հետ (երբեմն` գաղտնի), կարծիք հնչեց, որ պետք է Ղարաբաղը վերցնել եւ ԽՍՀՄ-ից դուրս գալ: Այս գաղափարը բոլորին անհավանական թվաց: Ես նույնպես կարծում էի, որ իմ կյանքի ընթացքում նման բանի ականատես չեմ դառնա: Անհավանական էր թվում, բայց ինչ-որ սպասումներ ունեինք: Սկիզբը Ժողովրդի ընդվզումը եւ ոգեւորիչ էր, եւ անհանգստացնող, քանի որ առաջնորդներից պահանջում էր մտածված քայլեր: Պետք էր կառավարել մարդկային էմոցիաները, դրանք տանել անհրաժեշտ ուղղությամբ, իսկ դա, երբեմն, դժվար է: Երիտասարդների մոտ խորհրդային գաղափարախոսություն չկար: Ճիշտ է, նրանք հակախորհրդային չէին, սակայն սովետական գաղափարախոսությունն էլ իր ազդեցությունը չէր ունենում: Նոր ժամանակներ էին եկել` արդեն տեսամագնիտոֆոններ կային, «Ամերիկայի ձայնը» խլացնելու քաղաքականությունը շարունակվում էր, սակայն նախկին արդյունքը չէր ապահովում: Մշակութային, քաղաքակրթական գլոբալացման հարցը հասել էր սովետական երիտասարդությունը, նա «գարնան» սպասումներով էին ապրում: Կյանքիս ամենամեծ հոգեկան վերելքն ապրել եմ, երբ հանրահավաքում իմ առաջին ելույթի ժամանակ հարյուր հազարավոր աչքեր էի տեսնում: Չնայած` ասում էի բաներ, որոնք իրենց համար այնքան էլ ընդունելի չէին: Բոլորը համոզված էին, որ մենք ունենք մշտական թշնամի` ի դեմս Թուրքիայի, եւ մշտական բարեկամ` ի դեմս Ռուսաստանի: Իսկ ես ասացի, որ մենք ոչ մշտական բարեկամ ունենք, ոչ էլ մշտական թշնամի: Այլընտրանքային իշխանության ձեւավորումը Առաջին հանրահավաքներից մեկում հայտարարվեց, որ բոլոր հիմնարկություններում պետք է ստեղծվեն «Ղարաբաղ» կոմիտեներ: Փաստորեն, այդ աշխատանքը ընդամենը մեկ օր տեւեց: Հայաստանի ողջ տարածքով շատ արագ կազմավորվեցին կոմիտեները եւ կառավարելի դարձան: Չեմ ասի, որ, օրինակ, ԵՊՀ-ի կամ «Հայէլեկտրո» գործարանի «Ղարաբաղ» կոմիտեները հեշտ էին ընդունում էին այն ամենն, ինչ մենք իրենց ասում էինք: Մեր տանն էի հավաքում կոմիտեների ղեկավարներին եւ միասնականություն քարոզում, փորձում էինք գաղափարախոսություն կերտել: Ուզում էինք, որ գաղափարախոսության ընդհանրությունը միավորի բոլորին: Գաղափարախոսության հիմքում ընկած էին ազատության, անկախության, ազգային արժեքների գաղափարները:«Ժողովուրդը շատ հեռու էր քաղաքականությունից եւ շատ տարրական կարծրատիպեր էին գործառնում` կապիտալիզմ եւ կոմունիզմ, մահմեդականություն եւ քրիստոնեություն»Դա շատ կարեւոր էր, քանի որ ժողովուրդը շատ հեռու էր քաղաքականությունից եւ շատ տարրական կարծրատիպեր էին գործառնում` կապիտալիզմ եւ կոմունիզմ, մահմեդականություն եւ քրիստոնեություն: Մենք փորձում էինք հասկացնել, որ մեր խնդիրների հիմքում քրիստոնյաների եւ մահմեդականների միջեւ ընթացող պայքարը չէ, որ մենք կարող ենք նաեւ համագործակցել նրանց հետ:
05.02.2013            ավելին >>  
Հայրիկյանը Վազգեն Մանուկյանին պատմել է, որ…

Այսօր ՀՀ Հանրային խորհրդի նախագահ Վազգեն Մանուկյանն այցելել է «Սուրբ Գրիգոր Լուսավորիչ» բժշկական կենտրոն` տեսակցելու ՀՀ նախագահի թեկնածու Պարույր Հայրիկյանին: Վերջինս Մանուկյանին պատմել է, որ ուշ երեկոյան վերադառնալով տուն` նախ հանգիստ բարձրացել է վերև, ապա հիշելով, որ մեքենայի մեջ է մոռացել թղթապանակը` իջել է այն վերցնելու: Այդ ժամանակ շքամուտքի մոտ նկատել է մի անծանոթի, որը դեպի իրեն է ուղղել զենքը: Հայրիկյանն, անգամ, փորձել է պաշտպանվել և ձեռքով խանգարել: Անծանոթը կրակել է, սակայն գնդակը չի դիպչել նրան, Հայրիկյանը բարձր բղավել է, ապա հնչել է երկրորդ կրակոցը, որի ժամանակ գնդակն արդեն դիպել է` բարեբախտաբար լուրջ վնասվածք չհասցնելով: Հայրիկյանը, օգնություն կանչելով, մի կերպ մուտքից ներս է մտել և մի քանի աստիճան բարձրանալով` կորցրել ինքնատիրապետումը: Առաջին օգնությունը ցույց են տվել հարևանները:
01.02.2013            ավելին >>  
«Ուղղված է Հայաստանի դեմ». Վազգեն Մանուկյանը՝ Հայրիկյանի մահափորձի մասին

«Անկախ»-ի հետ զրույցում մեկնաբանելով երեկ երեկոյան ՀՀ նախագահի թեկնածու Պարույր Հայրիկյանի դեմ իրականացված մահափորձը՝ ՀՀ Հանրային խորհրդի նախագահ Վազգեն Մանուկյանն ասաց, որ եթե կենցաղային դրդապատճառը հանում ենք, մնում է քաղաքականը: «Հարց է առաջանում՝ ինչի՞ն էր դա վնաս: Քաղաքական տեսանկյունից՝ դա խփում է ընտրություններին և Հայաստանի իմիջին: Ես կարծում եմ, որ քաղաքականապես դա Հայրիկյանի դեմ ուղղված չէր, այլ ուղղված էր ընտրությունների դեմ, Հայաստանի դեմ»,-ասաց նա:
01.02.2013            ավելին >>  
«Կան երկրներ, որոնց բացարձակապես ձեռնտու չի լինի, եթե Հայաստանում հանդարտ ընթանան պրոցեսները». Վազգեն Մանուկյանը` Պարույր Հայրիկյանի միջադեպի վերաբերյալ

ՀՀ Հանրային խորհրդի նախագահ, ԱԺՄ նախագահ Վազգեն Մանուկյանը փետրվարի 1-ին «Արմնյուզ» հեռուստաընկերության ուղիղ եթերում հարցազրույց է տվել Հայաստանի նախագահի թեկնածու, ԱԻՄ նախագահ Պարույր Հայրիկյանի նկատմամբ իրականացված մահափորձի վերաբերյալ:Ներկայացնում ենք այն ստորև.«Պարոն Մանուկյան, հնարավո՞ր է, որ Պարույր Հայրիկյանն ունենար այնպիսի թշնամի, որը ցանկանար անձնական վրեժ լուծել նրանից»:«Երկու հարց կարելի է առաջ քաշել` դեպքն ուղղված է Պարույր Հայրիկյանի անձի՞ դեմ, թե՞ նրա դեմ ուղղելով` ուրիշ հարցեր լուծելուն: Քիչ հավանական եմ համարում, որ հենց նրա անձի դեմ էր ուղղված: Ես սա գնահատում եմ որպես դեպք` ուղղված թեկնածուի դեմ, այսինքն, դրդապատճառը քաղաքական է. կա´մ ուղղված է ընտրությունների դեմ` առանց հաշվի առնելու, թե ինչ ազդեցություն կունենա Հայաստանի իմիջի վրա, կա´մ հենց արված էր Հայաստանի իմիջը խաթարելու համար»:«Ո՞ւմ էր ձեռնտու այս քայլը»:«Եթե դա ընտրությունների և Հայաստանի իմիջի հետ էր կապված, ապա կարող ենք ենթադրություններ անել, բայց երևի ճիշտ չէր լինի ենթադրություններ անել հեռուստացույցով, որովհետև ամեն մի անսպասելի բան հիմա կարող է հայտնաբերվել: Ավելի լավ է` քննչական մարմինները դրանով զբաղվեն:«Այսինքն, Դուք ունեք որևէ վարկած, որ Ձեզ համար ավելի հավանակա՞ն է»:«Ես, իհարկե, մտքում ունեմ շատ ավելի վարկածներ, քան թույլ եմ տալիս արտահայտել, բայց վերջնական պատկերացում չունեմ, թե ոնց է սա տեղի ունեցել»:«Ինչո՞ւ հենց Պարույր Հայրիկյանը»:«Եթե անողները որոշել էին խփել ընտրություններին և դրանով մեծ աղմուկ բարձրացնել, ապա Պարույր Հայրիկյանը չակերտավոր հարմար թեկնածու էր, քանի որ խորհրդային տարիներին եղել է այլախոհ` հարգված այլախոհ, որը բավականին երկար ժամանակ նստել է բանտերում: Այսինքն, Պարույր Հայրիկյանն ունի այն անունը, որի շուրջ միջազգային աղմուկն ավելի հեշտ կբարձրանար, քան ավելի քիչ հայտնի թեկնածուի դեպքում»:«Շրջանառվում է մի վարկած, թե սա կարող էր կազմակերպված լինել հենց Հայրիկյանի շրջապատի կողմից` որպես ընտրությունների շեմին ինքնագովազդի լավ տարբերակ»:«Պարույր Հայրիկյանը բավականին պրագմատիկ մարդ է և ինքնագովազդի համար իր կյանքը ռիսկի չէր ենթարկի: Կարծում եմ` դա ծիծաղելի վարկած է»:«Փաստորեն, սա Պարույր Հայրիկյանի հետ կապված առաջին միջադեպը չէ նախընտրական շրջանում: 1991 թվականին Պառավաքարում նման միջադեպ եղել է նրա դեմ, երբ նա նախագահի թեկնածու էր»:«Անկախության սկզբնական տարիներին` լի էմոցիաներով, չկարգավորված հարցերով, այդպիսի դեպքերը բացառիկ չէին: Ես կարող եմ իմ ընտրություններից հազարավոր այդպիսի դեպքեր հիշել: Ոչ հասուն հասարակության մեջ քաղաքականության ամենակարևոր հանգամանքը դառնում է` ես սրան սիրում եմ կամ ես սրան չեմ սիրում: Կարծում եմ` մենք այդ վիճակից դուրս ենք եկել: Դեպքեր միշտ էլ եղել են, սակայն լինում էին մրցակցության պատճառով` իշխանություն-ընդդիմություն կամ ընդդիմության ներսում, բայց այս ընտրությունների ժամանակ այդպիսի բուռն, անզիջում, ներքին մրցապայքարի որևէ էլեմենտ չկա, որը մի քիչ գոնե բացատրի դեպքը»:
01.02.2013            ավելին >>  
Ռազմական ոլորտով հետաքրքրվող լրագրողներն իրենց հուզող հարցերը քննարկեցին Վազգեն Մանուկյանի հետ

Ռազմական ոլորտի լուսաբանմամբ հետաքրքրվող մի շարք լրագրողներ հունվարի 25-ին հանդիպեցին ՀՀ Հանրայի խորհրդի նախագահ Վազգեն Մանուկյանի հետ: Հանդիպման նպատակը բանակի խնդիրների, հայ-ադրբեջանական հակամարտության ճիշտ լուսաբանման, պատերազմական իրավիճակում լրագրողի գործունեության և ոլորտի այլ հարցերի վերաբերյալ քննարկումն էր, Վազգեն Մանուկյանի տեսակետներն ու խորհուդները լսելը` որպես պատերազմական տարիներին ՀՀ պաշտպանության նախարար և փորձառու քաղաքական-հասարակական գործիչ:Հանդիպումը կազմակերպվել էր Հանրային խորհրդի երիտասարդության ենթահանձնաժողովի և “ԱՐՄՍԵՍ” գիտակրթական կենտրոնի կողմից` 2012 թ. նոյեմբերի 7-ից 30-ը Հանրային խորհրդում ռազմական ոլորտով հետաքրքրվող լրագրողների համար անցկացված “Ռազմական գործընթացները մեր տարածաշրջանում՝ հայկական ռազմուժի համատեքստում” թեմայով դասընթացի շրջանակներում:
27.01.2013            ավելին >>  
«Հայաստանը պետք է ունենա ազգային փոխադրող». Վազգեն Մանուկյան

«Մենք գտնում ենք, որ Հայաստանը պետք է ունենա ազգային փոխադրող, որը գրանցված լինի Հայաստանում, կադրերի մեծ մասը լինեն հայեր, ունենա որոշ արտոնություններ, ինչպես տարբեր երկրներում է: Դա կլինի Բաղդասարով Միշան, թե մեկ ուրիշը, մեզ բացարձակապես չի հետաքրքրում, մեզ հետաքրքրում է, որ դա լինի»,-այսօր լրագրողների հետ հանդիպման ժամանակ ասաց Հանրային խորհրդի նախագահ Վազգեն Մանուկյանը:
27.12.2012            ավելին >>  
Վազգեն Մանուկյան, Հայաստանում իշխանության ղեկին գտնվող անձինք ոչ միշտ են սատանաներ

Հայ հասարակությունը բաժանվել է երկու մասի` սատանաների եւ հրեշտակների: Մարդկանց թվում է, որ եթե մարդը իշխանության մեջ է, անպայման սատան է: Այդ մասին այսօր` դեկտեմբերի 27-ին հայտարարել է Հայաստանի հանրային խորհրդի նախագահ Վազգեն Մանուկյանը:
27.12.2012            ավելին >>  
Վազգեն Մանուկյանը կասկածում է Փակ շուկայի խնդրի լուծմանը

Հանրային խորհրդի նախագահ Վազգեն Մանուկյանն այսօր լրագրողների հետ հանդիպման ժամանակ, անդրադառնալով քաղաքացիական հասարակության կայացման գործում հանրության ակտիվությանը և որպես օրինակ բերելով Փակ շուկայի վերանորոգման դեմ տարվող պայքարը` նշեց. «Ճիշտ է, խոստացել են, որ վերականգնելու են ճարտարապետական տեսքը, բայց ես կարծում եմ, որ Հանրային խորհուրդը պետք է շարունակի այդ հարցով զբաղվել. երբ անցնում եմ այդ շուկայի կողքով և նայում եմ, կարծես այդ խնդիրը չի լուծվում, խոստումը չի կատարվում: Իմ աչքի առաջ, ոնց որ թե այդ շուկան քանդվում է»: ankakh.am
27.12.2012          
«Էդ ո՞նց դառավ Ծառուկյան Գագիկն էս երկրի փրկիչը». Վազգեն Մանուկյանն ընդդիմության ցինիզմն աննախադեպ է համարում

Լրագրողների հետ հանդիպման ժամանակ Հանրային խորհրդի նախագահ Վազգեն Մանուկյանը լրագրողների խնդրանքով անդրադարձավ նաև առաջիկա նախագահական ընտրություններին: Ինչո՞ւ Լևոն Տեր-Պետրոսյանը չառաջադրվեց հարցին Վազգեն Մանուկյանը պատասխանեց. «Նախ ոչ միայն Լևոն Տեր-Պետրոսյանը չի դրել իր թեկնածությունը, այլ 2,5 միլիոն մարդ չի դրել և ամեն մեկի պատճառները գտնել, թե ինչու չեն դրել, մի կողմ թողնենք: Ինձ համար Լևոն Տեր-Պետրոսյանը մի նախադասություն է ասել` չի դնելու և վերջ, մնացածի մասին խոսելն անիմաստ է»:Վազգեն Մանուկյանի խոսքով` 95-96 թվականների պես բարենպաստ պայմաններ` երկիրն առաջ տանելու, նորմալ ընտրություններ կազմակերպելու, Հայաստանը չի ունեցել և չի ունենա. «Այն ժամանակվա իշխանությունը` հենց Լևոն Տեր Պետրոսյանով, վիժեցրեց այդ հնարավորությունը, մենք մտանք մի ուրիշ սցենարի մեջ և այժմ շարժվում ենք այդ սցենարով»:
27.12.2012            ավելին >>  
«Հայաստանում քաղաքացիական հասարակությունը զարգացում է ապրում». Վազգեն Մանուկյան

Հանրային խորհրդի նախագահ Վազգեն Մանուկյանն այսօր լրագրողների հետ տարեվերջյան հանդիպման ժամանակ անդրադարձավ Հայաստանում քաղաքացիական հասարակության զարգացմանն ու Հանրային խորհրդի դերին: Մանուկյանը կարծում է, որ Հայաստանում քաղաքացիական հասարակությունը զարգացում է ապրում, և պետք չէ անտեսել դա:Որպես վառ օրինակներ, նա նշում է Մաշտոցի պուրակի հարցը, Հարսնաքարդի դեպքին հաջորդող իրադարձությունները և այլն. «Սա աննախադեպ է, նախկինում այդպիսի հարցերը չէին լուծվում»:Քաղաքացիական հասարակության զարգացման պատճառներն, ըստ Մանուկյանի երեքն են` նախ, որ տարեցտարի Հայաստանն առավել խորն է ներգրավվում միջազգային կառույցների մեջ, երկրորդը, որ հասարակությունը` մասնավորապես երիտասարդություն այսօր առավել զարգացած է և երրորդը` ներկա իշխանություններ որոշակի տոլեռանդությունն են դրսևորում:Սակայն կան խնդիրներ, որոնց լուծումն, ըստ նրա, մինչ օրս չի տրվում` արդարության պակաս, արդարադատության համակարգի ոչ պատշաճ աշխատանք, ընտրությունների կեղծում, տնտեսության զարգացման խնդիր և այլն:
27.12.2012            ավելին >>  

Home page Web mail Map
EnglishRussian


1996


www.ajk.am

  www.armenia.li
www.armenia.li
511582
502499