ՄԵՐ ՄԱՍԻՆ
ՎԱԶԳԵՆ ՄԱՆՈՒԿՅԱՆԻ ԿԵՆՍԱԳՐՈՒԹՅՈՒՆԸ
ԱՆՑԱԾ ՃԱՆԱՊԱՐՀ
ԳՐԱԴԱՐԱՆ
ՀԱՐՑԱԶՐՈՒՅՑՆԵՐ
ՆՈՐՈՒԹՅՈՒՆՆԵՐ
ԳՐԱՆՑՎԵԼ ԿԱՅՔԻ ՆՈՐՈՒԹՅՈՒՆՆԵՐԻՆ
ԿԱՅՔԻ ՔԱՐՏԵԶ
ԿԱՊԸ ՄԵԶ ՀԵՏ
ԸՆՏՐՈՒԹՅՈՒՆՆԵՐ 2008
   ՆՈՐՈՒԹՅՈՒՆՆԵՐ

Վազգեն Մանուկյանի համար, ի տարբերություն հասարակության մի հատվածի համոզման, Գագիկ Ջհանգիրյանը երբեք հրեշտակ չի եղել

ՀՀ հանրային խորհրդի նախագահ Վազգեն Մանուկյանի համոզմամբ, Հայաստանի ընդհանուր խնդիրն այն է, որ հասարակությունը բաժանվել է երկու մասի՝ հրեշտակների և սատանաների: «Ընդհանուր խնդիր կա, որը հասարակությանը ծիծաղելի վիճակում է դնում: Քանի որ ժողովրդի մի զգալի մասը դժգոհ է իշխանություններից, չափազանցության մեջ ընկնելով՝ իշխանությանը «բոբո» է համարում և ցանկացածին, ով իշխանությանը դեմ է և ընդդիմադիր, համարում է հրեշտակ»,- լրագրողների հետ հանդիպմանն ասաց նա ու օրինակ բերելով ընդդիմադիրներից Գագիկ Ջհանգիրյանին ասաց, որ նա իր համար երբեք հրեշտակ չի եղել։
27.12.2012            ավելին >>  
Ժողովուրդն այս ընտրություններին ընտրության հնարավորություն չունի. Վազգեն Մանուկյան

ՀՀ հանրային խորհրդի նախագահ Վազգեն Մանուկյանի համոզմամբ՝ Հայաստանում ժողովուրդը ընտրություններին ընտրության հնարավորություն չունի, այսօր քաղաքական դաշտը ամայի վիճակում է, իսկ ամենի սկիզբն, ըստ նրա, դրվել է 1996թ-ին: «1995-96թթ.-ից լավագույն ընտրություններ անցկացնելու բարենպաստ պայմաններ Հայաստանը երբեք չի ունեցել: Մենք մտանք մի ուրիշ սցենարի մեջ և հիմա շարժվում ենք այդ սցենարով»,- ասաց նա: Ըստ Վազգեն Մանուկյանի, այս գալիք նախագահական ընտրությունները նախորդից տարբերվում են նրանով, որ այսօր ժողովուրդը ընտրության հնարավորություն չունի և եթե ոչ Սերժ Սարգսյանը, ապա ո՞վ: «Այս ընտրությունները կլինեն այնպիսին, ինչպիսին կլինեն, և չկա մեկը, ում միջոցով Հայաստանը փրկություն է ուզում և իր ձեռքից խլելու են»,- ասաց նա և պատմական անդրադարձ կատարեց։
27.12.2012            ավելին >>  
Հանրային խորհուրդը բարձրացրել է հարցեր, որոնք հնչեղություն չեն ստացել. Վազգեն Մանուկյան

Հանրային խորհուրդը ոչ միայն անդրադառնում է հնչեղություն ստացած հարցերին, այլ նաև բազմաթիվ դեպքերում ինքն է բարձրաձայնել շատ հարցեր և լուծում փնտրել դրանց համար, այսօր լրագրողների հետ հանդիպմանը հայտարարեց Հանրային խորհրդի նախագահ Վազգեն Մանուկյանը: Նա ասաց, որ թեև հասկանում է, որ Հայաստանում խնդիրները շատ են, բայց, ըստ նրա, դրականն էլ քիչ չէ: Վազգեն Մանուկյանի խոսքով՝ Հայաստանում արդարության պակաս կա, արդարադատության համակարգի ոչ մաքուր աշխատանք, ոչ արդար ընտրություններ, փոքր և միջին բիզնեսի մրցակցության պակաս, բայց այս հարցերը, նրա համոզմամբ, կարելի է լուծել մի դեպքում, երբ ձևավորվի քաղաքացիական հասարակություն: «Հանրային խորհրդի գործառույթների հիմքում էլ հենց դա է ընկած, նպաստել քաղաքացիական հասարակության զարգացմանը»,- ասաց նա և արձանագրեց, որ, այնուամենայնիվ, Հայաստանում այս ուղղությամբ զարգացում նկատվում է: Վազգեն Մանուկյանը հիշեցրեց միայն վերջին տարվա խնդիրները, որոնք լուծվել են հասարակության ճնշման տակ, և որին նպաստել են ոչ միայն ՀԿ-ները, այլ նաև Հանրային խորհուրդը՝ Մաշտոցի պուրակ, Թռչկան և այլն:
27.12.2012            ավելին >>  
Վազգեն Մանուկյանը չի տեսնում փրկչին

ԱԺՄ նախագահ Վազգեն Մանուկյանին ամենեւին չի մտահոգում փաստը, որ Լեւոն Տեր-Պետրոսյանը չի առաջադրելու իր թեկնածությունը նախագահի ընտրություններում. «2,5 միլիոն մարդ իր թեկնածությունը չի դրել, հիմա ամեն մեկի պատճառները գտնել, թե ինչի չեն դրել, մի կողմ թողնենք»։ Պարոն Մանուկյանի կարծիքով, նոր իրողություն չէ այն, որ ընտրություններով իշխանություն փոխել չի լինում։ Ընտրական համակարգն, ըստ նրա, ապականվել է 95-96 թվականներին, երբ Լեւոն Տեր-Պետրոսյանի իշխանությունը ցույց տվեց, որ ընտրությունների միջոցով իշխանություն փոխվել չի կարող։ «Հիմա շարժվում ենք այդ սցենարով»,- ասում է Հանրային Խորհրդի նախագահ Վագեն Մանուկյանը։ ՞Նա ասում է, որ 96-ից մինչեւ 2008-ի ընտրությունները ժողովուրդը միշտ տեսել է մեկին, որով կարող է փոխարինել գործող նախագահին։ Դրանք են՝ ինքը, Կարեն Դեմիրճյանը, Գեղամյանը, Ստեփան Դեմիրճյանը, Լեւոն Տեր-Պետրոսյանը եւ Արթուր Բաղդասարյանը. «Հիմա կա՞ մի մարդ, որին ժողովուրդն ուզում է, որ Սերժ Սարգսյանը չլինի նախագահ, նա դառնա նախագահ»։
27.12.2012            ավելին >>  
Վազգեն Մանուկյանը՝ տարվա հասարակական գործիչ

«Արմենիա» հեռուստաընկերության «Կենդանի մատյան» հաղորդաշարն այս տարի կազմակերպել է մրցանակաբաշխություն 5 անվանակարգում՝ «Տարվա հասարակական գործիչ», «Տարվա ընդդիմադիր», «Տարվա լրագրող», «Տարվա բարեգործ», «Տարվա նախարար»:ՀՀ Հանրային խորհրդի նախագահ Վազգեն Մանուկյանն արժանացել է «Տարվա հասարակական գործիչ» մրցանակին:
25.12.2012            ավելին >>  
ՀԽ նախագահ Վազգեն Մանուկյանն էլ կարծում է, որ նախ պետք է մտածել գյուղատնտեսության, ֆերմերային տնտեսության և կոոպերատիվների զարգացման մասին

«Հայաստանի Հանրապետության տեղական ինքնակառավարման հետագա զարգացման և իշխանության ապակենտրոնացման ռազմավարական մոտեցումներ». այս փաստաթղթի շուրջ էր Հանրային խորհրդի Տարածքային և տեղական ինքնակառավարման հարցերի հանձնաժողովը դեկտեմբերի 17-ին գումարել նիստ՝ փոխվարչապետ Արմեն Գևորգյանի, Հանրային խորհրդի նախագահ Վազգեն Մանուկյանի, ՀԽ անդամների, ոլորտի հասարակական կազմակերպությունների ներկայացուցիչների մասնակցությամբ:Տեղական ինքնակառավարման ներկա իրավիճակը և հիմնախնդիրները, համակարգի զարգացման և ապակենտրոնացման քաղաքականության հիմնական սկզբունքներն ու նպատակները, գերակա ուղղություններն ու խնդիրները ներկայացվեցին փաստաթուղթը կազմած փորձագետների կողմից: Քննարկվեցին երկմակարդակ տեղական ինքնակառավարման համակարգերի անցման, համայնքների կառավարման ռացիոնալ և արդյունավետ համակարգի կառուցման, ֆինանսական համահարթեցման սկզբունքով պետության կողմից համայնքներին տրամադրվող դոտացիաների, համայնքների խոշորացման վերաբերյալ հարցեր:
19.12.2012            ավելին >>  
Ազգային ժողովրդավարական միության/ԱԺՄ/ դիրքորոշումը 2013թ ՀՀ նախագահական ընտրությունների վերաբերյալ

Դեկտեմբերի մեկին ԱԺՄ գրասենյակում տեղի ունեցավ կուսակցության խորհրդի նիստ: Որին մասնակցում էին ԱԺՄ վարչության անդամներն ու շրջանային կառույցների ղեկավարները: Օրակարգում ներկա քաղաքական իրավիճակի քննարկումն էր կապված առաջիկայում սպասվող ՀՀ նախագահական ընտրությունների հետ և ԱԺՄ կուսակցության դիրքորոշումը:Նիստը բացեց ԱԺՄ կուսակցության առաջնորդ Վազգեն Մանուկյանը: Նա ներկայացրեց Հայաստանի հանրապետությունում առկա քաղաքական պատկերը, վերլուծեց սպասվող զարգացումներն, հայտնեց իր դիքորոշումը և հորդորեց ԱԺՄ անդամներին ներկայացնել իրենց կարծիքները և առաջարկությունները:
03.12.2012            ավելին >>  
ՄԱԿ–ում Պաղեստինի դիտորդ կարգավիճակով մեր գանձարանում մի քանի կոպեկ է ավելանում. Վազգեն Մանուկյան

Հանրային պալատի նախագահ, Ազգային ժողովրդավարական միություն կուսակցության նախագահ Վազգեն Մանուկյանի գնահատմամբ չի կարելի ուղիղ զուգահեռ անցկացնել Լեռնային Ղարաբաղի և Պաղեստինի միջև, այն իմաստով, որ ԼՂ-ին էլ կտրվի ՄԱԿ-ում դիտորդ երկրի կարգավիճակ, սակայն նրա պատկերավոր դիտարկմամբ՝«մեր գանձարանի մեջ անընդհատ մի քանի կոպեկ ավելանում է»:
30.11.2012            ավելին >>  
Հանրային խորհուրդն ամփոփել է ՀՀ նախագահի հետ հանդիպման արդյունքները

Ս.թ. նոյեմբերի 21-ին տեղի ունեցավ Հանրային խորհրդի փոքր խորհրդի նիստ: Օրակարգում ս.թ. նոյեմբերի 3-ին ՀՀ Նախագահի հետ կայացած հանդիպման արդյունքների և դեկտեմբեր ամսին ՀԽ լիագումար նիստի և ՀՀ Նախագահի հետ հաջորդ հանդիպման նախապատրաստական աշխատանքների քննարկումն էր:Վ. Մանուկյանը ներկայացրեց ՀՀ Նախագահի հետ հանդիպման ժամանակ քննարկված հարցերի ընթացքը: Հանրապետության ղեկավարի որոշմամբ ՀԽ Քաղաքացիական հասարակության հարցերի հանձնաժողովում ՀԽ անդամ, հանձնաժողովի նախագահ Հովհաննես Հովհաննիսյանի ղեկավարությամբ մշակված Քաղաքացիական հասարակության կազմակերպությունների զարգացման ռազմավարության հայեցակարգն ուղարկվել է ՀՀ կառավարություն այն ուսումնասիրելու նպատակով:Կառավարություն է ուղարկվել նաև ՀԽ անդամ Յուրի Ջավադյանի /ՀԽ գյուղատնտեսական և բնապահպանական հարցերի հանձնաժողովի նախագահ/՝ Արարատյան հարթավայրում ավանդական հոսքային ձկնաբուծական համակարգերից կիսափակ ջրօգտագործման համակարգերի անցման նախագիծը: Ջավադյանը տեղեկացրեց, որ Կառավարությունում քննարկվել է գործընթացը սկսելու հարցը:
22.11.2012            ավելին >>  
Վազգեն Մանուկյանի ցավակցագիրը ժողովրդական արտիստ Ֆլորա Մարտիրոսյանի մահվան կապակցությամբ

"Մեծ ափսոսանքով և ցավով տեղեկացա Հայաստանի ժողովրդական արտիստ, մեծանուն երգչուհի Ֆլորա Մարտիրոսյանի մահվան մասին: Նրա անժամանակ մահը ծանր հարված էր ողջ հայ ժողովրդի համար և մեծ կորուստ՝ ժողովրդական երգարվեստի համար:Ֆլորա Մարտիրոսյանը ժողովրդականություն, սեր ու հարգանք էր վայելում ոչ միայն իր բացառիկ տաղանդի, այլև իր ժողովրդի, իր մշակույթի հանդեպ ունեցած նվիրումի շնորհիվ:
21.11.2012            ավելին >>  

Home page Web mail Map
EnglishRussian


1996


www.ajk.am

  www.armenia.li
www.armenia.li
511590
502507